News

ច្រើនជាង ១ ម៉ឺន ៥ ពាន់នាក់ នាំគ្នារត់ចែកជើងគ្នា ខណៈភ្នំភ្លើងផ្ទុះ នៅទឹកដី តំបន់អាស៊ី

ព័ត៌មានអន្តរជាតិ ៖ ក្រុមមនុស្សច្រើនជាង    ១ ម៉ឺន ៥  ពាន់នាក់ បាននាំគ្នាផ្អើលរត់ភៀសខ្លួន
ចេញពីផ្ទះសម្បែងរបស់ខ្លួនខណៈមានការគំរាមគំហែងពីការបំផ្ទុះភ្នំភ្លើងភ្នំ Mount Sinabung
នៅភាគខាងលិច ប្រទេសឥណ្ឌូនេស៊ី នេះបើតាមការអោយដឹងពីមន្រ្តីផ្លូវការ  កាលពីថ្ងៃព្រហ
ស្បត្តិ៍ម្សិលមិញនេះ។

គួរបញ្ជាក់ផងដែរថា ករណីបំផ្ទុះភ្នំភ្លើងកាលពីថ្ងៃអាទិត្យកន្លងទៅនេះ  វាគឺជាការបំផ្ទុះលើក
ដំបូង ក្នុងរយៈពេល  ៣  ឆ្នាំ  ចុងក្រោយនេះ   ដោយនៅក្នុងនោះ  បានជះចេញមកនូវកំដៅ
ថ្ម និងកំអែលភ្នំភ្លើង ទៅលើភូមិមួយចំនួន​ដែលមានទីតាំងនៅភាគខាងជើងនៃខេត្ត Suma-
tra របស់ប្រទេសនេះ។

លើសពីនេះ      ប្រភពសារព័ត៌មានដដែលបន្ថែមអោយដឹងថា  ជាមួយនឹងកំលាំងផ្ទុះដ៏មាន
ឥទ្ធិពលមួយនេះ បានធ្វើអោយមានការភាយចេញនូវផ្សែងកំពស់ដល់ទៅជាង ៣ គ.ម ចូល
ទៅក្នុងបរិយាស   ខណៈជាចលករជំរុញអោយក្រុមមនុស្ស ដែលជាប្រជាពលរដ្ឋរស់នៅក្នុង
ភូមិដែលបានប្រកាសអាសន្ន ធ្វើការរត់ភៀសខ្លួនទៅរកទីកន្លែងមានសុខសុវត្ថិភាព។

យ៉ាងណាមិញ បើយោងតាមសម្តីលោក  Robert  Peranginangin  ជាអ្នកនាំពាក្យមន្រ្តីរដ្ឋាភិ
បាល បានបញ្ជាក់ប្រាប់ទីភ្នាក់ងារសារព័ត៌មាន AFP ថា ក្រុមមនុស្សច្រើនជាង  ១ ម៉ឺន ៥ ពា
ន់នាក់ ត្រូវបានជម្លៀសទៅកាន់ជំរុំតង់បណ្តោះអាសន្ន ទាំង ១៦​ កន្លែងហើយ។

ដោយឡែក   ក៏មានសេចក្តីរាយការណ៍ប្រកាសអាសន្ន ដល់ក្រុមហ៊ុនអាកាសចរណ៍ផងដែរ
ដោយនៅក្នុងនោះបញ្ជាក់ប្រាប់     កុំអោយមានការហោះកាត់តំបន់នេះអោយសោះ  បើសិន
ជាអាចត្រូវធ្វើការហោះវៀង  ទើបជាការប្រសើរ ។ គួររំឭកផងដែរថា  ករណីបំផ្ទុះភ្នំភ្លើងមួយ
នេះ ក្នុងរយៈពេល  ១០០  ឆ្នាំចុងក្រោយ ទើបតែមានប្រតិកម្មផ្ទុះសាជាថ្មី  កាលពីអំឡុងខែ
កញ្ញា ឆ្នាំ   ២០១០ ដែលញ៉ាំងអោយមនុស្សជាង  ១ ម៉ឺន ២  ពាន់នាក់បង្ខំចិត្តជម្លៀសចេញ
ពីលំនៅស្ថានរបស់ខ្លួន។

ឥណ្ឌូនេស៊ី គឺជាប្រទេសដែលមានការគំរាមគំហែងករណីបំផ្ទុះភ្នំភ្លើងជាខ្លាំង ខណៈប្រទេស
នេះ ប្រមូលផ្តុំទៅដោយភ្នំភ្លើងជាច្រើន   ក្នុងនោះភ្នំភ្លើងដែលមានឥទ្ធិពលខ្លាំងជាងគេបំផុត
មានឈ្មោះថា ភ្នំភ្លើង Mount Merapi នៅឯភាគកណ្តាលប្រទេស ខណៈពេលដែលឥទ្ធិពល
ផ្ទុះរបស់វាកាលពីពេលកន្លងទៅ បានធ្វើអោយក្រុមមនុស្សច្រើនជាង ៣៥០ នាក់ស្លាប់បាត់
បង់ជីវិត ក្នុងអំឡុងឆ្នាំ ២០១០ ៕

នៅសល់តែជាង ៣ ពាន់លានឆ្នាំ ទៀតនោះទេ ពិភពលោក នឹងដល់ថ្ងៃអវសាន របស់ខ្លួន

ព័ត៌មានអន្តរជាតិ ៖​​ ភពផែនដីយើងនេះ ​​  ពិតណាស់  នឹងមានអាយុកាលចន្លោះពី ១,៧៥
ពាន់លានឆ្នាំ ទៅ ៣,២៥ ពាន់លានឆ្នាំទៀត មុននឹងមកដល់ថ្ងៃអវសានរបស់ខ្លួន តែបើជីវិត
សត្វលោក នៅលើភពផែនដីនេះវិញ អាចនឹងដល់ថ្ងៃអវសានមុននេះបន្តិច។ បើតាមការព្យា
ករណ៍របស់ក្រុមអ្នកសិក្សាស្រាវជា្រវ   មកពីសកលវិទ្យាល័យ  East Anglia ( University of
East Anglia) ក្រុង   Norwich   ប្រទេសអង់គ្លេស  បានគូសបញ្ជាក់អោយដឹងថា  ភពផែនដី
យើងសព្វថ្ងៃនេះ  ក៏កំពុងតែរំកិលខ្លួនខិតជិតនឹងព្រះអាទិត្យ    ដែលជាចលករជំរុញអោយ
មានការសំងួតដល់ទឹកសមុទ្រ និងសម្លាប់ជីវិតមនុស្សលោកជាដើម។

ក៏ប៉ុន្តែ បើយើងងាកក្រឡេកទៅមើលបណ្តាជីវិតមនុស្សសត្វ    នៅលើភពផែនដីយើងនេះ
ក៏កំពុងតែមានការគំរាមគំហែងជាខ្លាំង        ក៏ព្រោះតែមានការកើនឡើងកំដៅហួសពីការ
ស្មានពីមួយឆ្នាំទៅមួយឆ្នាំ ដែលនឹងធ្វើភាពរស់រានមានជីវិតរបស់មនុស្សលោក នឹងមិនបា
នគង់វង្សយូរដូចទៅនឹង   ភាពរស់រានរបស់ភពផែនដីនោះទេ    តែអ្វីដែលជាជម្រើសដ៏ល្អ
របស់មនុស្សលោកនោះគឺថា  ត្រូវតែធ្វើការផ្លាស់ប្តូរភពណាមួយផ្សេងទៀត  ដែលជាជម្រើ
សដ៏ល្អបំផុត។

ពិតណាស់ កាលពីពេលថ្មីៗនោះ  ភពជាង  ១០០០  ត្រូវបានអ្នកវិទ្យាសាស្រ្តរកឃើញនិង
កំណត់អត្តសញ្ញាណ ដោយនៅក្នុងនោះភព Gliese 581d គឺជាភពមួយដែលមានអាកាស
ធាតុក្តៅល្មម និងអាចមានភាពរស់រានមានជីវិតដល់ទៅ ជាង ៥៤ ពាន់លានឆ្នាំ។

លោក Andrew Rushby  មកពីសកលវិទ្យាល័យសិក្សាស្រាវជ្រាវបរិស្ថាន បានអះអាងអោ
យដឹងថា បើនិយាយពីឆ្នាំណា  ថ្ងៃណាអោយពិតប្រាកដក្នុងការមកដល់នៃថ្ងៃអវសានពិភ
ពលោក គ្មាននរណាអាចបញ្ជាក់អោយដឹងច្បាស់នោះទេ។ តែបើយើងពិតជាចង់មានការ
ផ្លាស់ប្តូរភពមែននោះ ដូច្នេះ ភពព្រះអង្គារគឺជាជម្រើសដ៏ល្អបំផុត៕